tennis2026年11月5日 19:39(香港時間) · Tennis Up To Date
貝雷蒂尼手臂受傷退賽 艾卡拉斯唔使打直入巴黎大師賽八強
巴黎大師賽第三圈,意大利球手貝雷蒂尼因手臂受傷退賽,二號種子艾卡拉斯唔使打直入八強。貝雷蒂尼在社交媒體公布消息,表示困擾咗幾日嘅手臂痛楚令佢無法出賽,未來幾日會接受檢查了解傷勢。30歲嘅貝雷蒂尼今屆係第四次出戰巴黎大師賽,表現係歷來最好,首圈救走賽點反勝拿卡舒馬,次圈再以7-6、7-5擊敗東道主球手岩拔,可惜無緣爭取今年首個大師賽八強。艾卡拉斯上一圈以7-6、6-3擊敗米捷臣,周五八強將硬撼六號種子菲斯與十一號種子費斯嘅勝方。